Sungei Cikapundung Geuning Mendung, Pundung Kitu Nya?

Versi Bahasa Sunda

Bandung,(15/12).
Saminggon kapengker abdi sareng Dian (rerencangan ti Greeners) ngahaja ngadongkapan warga daerah Jembatan Siliwangi pasisian sungei Cikapundung. Kawitna ningali ti luhur jembatan, cai sungei meuni kiruh alahbatan cai anu ngahiji jeung taneuh. Akibat naon eta teh? eta akibat sedimentasi, nyaeta pacampurna taneuh jeung cai ngahiji jadi leutak akibat longsorna daerah hulu ti sungei Cikapundung.
Asa hayang ceurik ningali kaayaan sungei anu geus nteu merenah deui keur mandi, nyeuseuh jeung sajabana. Komodeui pas turun mapai ti imah warga nu hiji ka imah warga nu lainna. Padet nteu beraturan, nya sampah ngagunduk tiditu-tidieu geus nteu kuat asa hayang ngabebenah eta kaayaan imah anu pabalatak mere kesan kumuh teh. Aya saeutik renungan nu muncul dina pikiran. Naha betah kitu warga teh cicing didieu?
Nya nu ngarana warga leutik mah ngan saukur kumaha ceuk pamarentah we sigana teh...Mun ceuk pamarentah kieu, nya kieu...tp eta oge kudu bener juntrunganana. Ulah sagawayah. Geuning pamarentah ayeuna mah geus arapal duit, asa ngan nguruskeun teh duit deui..duit deui..ari realisasina euweuh..kumaha atuh...?
Geus mah pundung, beuki we sungai Cikapundung teh mendung..(noy)